Dialuna madruga a drenta informe di cu un auto a ranca un borchi trafico na e rotonde chikito na Pos Abao banda di e pompstation, mesora a dirigi un patruya na e sitio. Na yegada di e patruya ya caba e vehiculo a sigui su caminda pero un otro chauffeur a wak e auto y a tuma e number y a pas’e pa polis. Polis a tuma tur dato y a pasa esaki pa polis di trafico cu lo bay tras di e chauffeur irresponsabel aki cu a sigui core bay. Si acaso e chauffeur no presenta su mes awe na warda di Balashi polis di trafico lo sali bay busk’e y ta core e gran posibilidad di wordo deteni sea na su cas of trabao.
