![](https://www.awe24.com/wp-content/uploads/2021/07/2E7483BB-AE64-4C9C-A2E3-BC0CF424657F-668x334.jpeg?v=1625687941)
Diamars atardi durante patruya polis a nota un conocido di nan cu no tin rijbewijs tras di stuur di un auto, mesora a par’e y bingo, a bin resulta cu ainda e no a saca rijbewijs y a detene. E tabata tras di stuur di un auto cual e lo a haya instruccion pa traha riba dje. Un rato mas atardi a drenta informe di cu e doño di auto a pidi polis pa purba localisa su auto ya cu un persona a fia esaki pa un rato pero ainda no a debolbe. A bin resulta cu polis a para e chauffeur y a detene pa core auto sin rijbewijs. Polis a informa e doño cu e yabi ta na warda di polis y e auto ta para den e parkinglot patras di edificio di corte.