Ta bomberonan a bay libera e cacho mal pega memey e tralinan di e porta
Diabierna mainta a drenta informe di cu tin un cacho for di mainta mal pega memey tralinan di un porta di un cura di cas na Simon Platstraat, mesora a dirigi un patruya na e sitio. Na yegada di e patruya a topa enberdad cu un cacho mal pega memey trali di e porta di e cura di cas. Ademas polis a nota hopi otro cacho maltrata den cura di e cas. Polis acerca e cacho y a nota cu e cacho logicamente ta brabo polis a hibe un poco awa den un conchi pa asina e cacho bebe maske ta un tiki awa. For di bisiñanan polis a compronde cu den e cura tin varios otro cacho cu ta maltrata y desnutri sin cuido alguno. Por a compronde cu e doño di cas mes ta un persona enfermo cu tampoco ta hayando un cuido apropia polis a keda di tuma contacto cu polis di bario pa bin atende cu e caso aki y a bay laga e cacho pega memey di e trali. Nos colaborador cu a nota esey y a haya necesario pa avisa cuerpo di bombero cu a bini y mesora a libera e cacho di e situacion penoso den cual e tabata pega ken sa cuanto ora memey di e tralinan ey.
