Polis herida interna den hospital despues di a bay para un pelea formal na Blue Moon, a logra detene e agresor cu a haci esey!

Demasiado hende den un espacio masha chikito

Diasabra madruga a drenta informe di pelea na Blue Moon na Tanki Leendert, mesora a dirigi patruyanan na e sitio. Na yegada di e prome patruya a haya nan mes den un pelea basta formal y a pidi refuerzo pero como e caminda tabata muha y awa bashando esaki a tarda e refuerzo pa yega mesora. Entre tanto un di esnan envolvi den e pelea a bay agredi un agente policial cu un botter na su cara banda di su kashi wowo cortando e agente formalmete na su cara. Manera patruyanan a cuminza yega a pone e agente den un patruya y a bay cun’e direccion hospital pasobra e kap/corta aki tabata basta serio. Na yegada di e refuerzo a pasa basta trabao pa re-establece ordo y esnan presente no kier a bay. Polis a haci varios detencion hasta esun cu a agredi e agente. Despues di basta conmocion a logra core cu tur hende for di e sitio y asina a logra trese ordo na e sitio. Mientrastanto a drenta informe di cu e agente herida a ser interna na hospital pa posibel operacion(nan) den e siguiente oranan. Nos ta desea e agente W. un pronto recuperacion.

Share:

Leave a Reply

Your email address will not be published. Required fields are marked *