Diamars madruga a drenta informe di un accidente unda cu un auto lo a bolter y hende herida na Palm Beach, mesora a dirigi tanto polis como ambulans na e sitio. Na yegada di e patruya a bin encontra cu e Kia Picanto V2579 cual lo a accidenta bayendo panort cu velocidad halto despues di e cruzada peligroso net prome cu e vianan uni a perde control subi e piedranan memey di e isleta bay halto y bay dal riba un palo di lus otro banda di caminda. E impacto tabata asina fuerte cu a saca algun di e pasajeronan for di e auto di cual polis a bin encontra 3 hende den e pida mondi pabao di caminda y a nota 2 persona purbando di bandona e sitio na pia bayendo den direccion di e hotelnan di e 3 heridonan benta den e mondi 2 di nan tabata mustra seriamente herida mientras e di 3er a bisa cu nan tabata 5. E patruya na e sitio a pidi un otro patruya pa tira bista wak si nan ta bin encontra cu nan. Despues di un rato e patruya a regresa cu e otro 2 nan cu a cana bay di cual un di nan tambe ta herida y ambos a core bay di e susto. Ambulans a presenta na e sitio y a transporta e 3 heridonan pa hospital mientras polis a hiba e otro 2 nan tambe pa hospital. Polis a confisca e vehiculo pa mas investigacion.
