ORANJESTAD – Recientemente a haci entrega di certificado na 24 cursista cu a participa na e Spring Course di e programa BeYourOwnBoss, facilita door di Qredits Aruba y Colegio EPI.
BeYourOwnBoss ta un curso digital produci door di Qredits Microfinanciering Nederland cu e meta pa educa y prepara e participantenan pa bira un entrepreneur exitoso den futuro. E curso ta completamente na Ingles y e parti di instruccion pa e grupo aki a tuma luga na Colegio EPI su Openleercentrum bou guia di e instructor Rishi Ramsoondar.
Desde comienso di februari te cu luna di juni, 2 grupo a sigui e curso di BeYourOwnBoss na EPI. Diasabra dia 10 di juli a otorga 24 participante cu a sigui e curso, nan certificado. E certificado aki ta na nivel di MBO y ta un tremendo adkisicion pa un persona su portofolio profesional.
Esnan cu a ricibi nan certificado ta: Guerrier Peterson, Aimee Bhanddjwine, Ranisha Marin, Jean Carlos Loaiza, Anthony Trinidad, Charleston Kelly, Lourdji Bertrand, Deshaun Flemming, Marc Tromp, Angelo Geerman, Cindy Kelly, Ruthsen Croes, Anthony de Graf, Eduardo Lopez, Jovanka Molina, Sheldon Palmer, Kimberly Geerman, Ralph Croeze, Gabriella Seitiffe, Jinan Dirksz, Audrick Croes, Melvin Garcia, Marvin Frias, Jeannick Pinard y Arvin Ruiz.
Director general di Colegio EPI, Ryan Maduro, hunto cu representante di Qredits Aruba, Nathaly Harms, tabata presente pa felicita e graduadonan di e curso y pa desea nan hopi exito den nan futuro como entrepreneur.
Colegio EPI hunto cu Qredits Aruba tin inscripcion habri caba pa e Fall Course di BeYourOwnBoss cu lo cuminsa entrante 1 di september 2021. E costo total di e curso ta 350 florin y e duracion ta 3 luna, cu lesnan di 2½ ora riba 2 dia di siman. Interesadonan por inscribi via e link: https://tinyurl.com/BYOB-registration
Adhunto un imagen di e grupo cu a ricibi nan certificado.
