Diadomingo mainta a drenta informe di un accidente cu hende herida na Montaña, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di e Toyota Vitz biniendo for di pabao a bay dal semi-frontal riba un Toyota MarkZ cu tabata staciona pazuid di e caminda. Debi na e impacto fuerte y cu e dama no tabata tin su faha di seguridad bisti ela dal su pecho fuertemente riba e stuur y tabata keha di hopi dolor. Na yegada di e ambulans nan a atende e dama y a bay hospital pa un control medico mas avansa.
