Dialuna anochi a drenta informe di un caso di destruccion na un transformatorhuis di Elmar na Windstraat, mesora a dirigi un patruya na e sitio. Na yegada di e patruya a bin compronde cu aki ta trata di destruccion cual a kita coriente di un area grandi na Oranjestad. Polis a tuma nota y a solicita presencia di e investigadornan technico y foresyco na e sitio. E oficialnan aki a presenta y a cuminza cu e investigacion.
