OPINION: A.V.B. un club unda tin fiestamento cu placa y cu unda cosnan straño y robez tumando lugar!

Comentario di Deporte: 8 aña pasa Futbol di Aruba conoce un persona cu a presenta su mes como e cambio cu futbol tawata warda. E tempo ey Richard Dijkhoff a core un campaña cu ayudo di algun dirigentenan di un club di unda e ta bin como miembro, cu duna un voto lo bin cambio den futbol.

Segun Dijkhoff esnan cu t’ey e tempo ey tawata manera dinosaurio y cu tur ta corupto. Asina Sr Dijkhoff a yama e tempo ey e bestuur den tur entrevista. Y cu futbol mester un innovacion den digitalisacion, wel a dura 8 aña pa logra digitalisa AVB, a dura 8 aña pa hiba un plan di woman futbol pa Fifa cu Concacaf, pa djies saca un portret, a dura 8 aña cu awo tin solucion pa tur problema den futbol, a dura 8 aña cu diripiente awo tin placa pa yuda tur club.

Tin club cu e ta priminti 20 mil florin y otro e ta priminti 50 mil florin pa asina haña voto. Richard Dijkhoff no a drecha nada den futbol, 8 aña lagro ta paga dineral na rapport cu plan cu viahamento, gasta placa di futbol cu por a yuda clubnan. Ora aña di eleccion pa presidente tur dia ta bira manera politico cu kier keda den stoel paso stoel ta dushi. Na Radio top 95 Richard a gaña den aire cerca Edmond Croes cu e ta traha como boluntario, mientras cu e ta wordo paga y ta gosa di hopi privilegio cu auto y gasoline paga cu plaka di futbol.

Ta biaha pa exterior cobrando AVB placa, AVB ta paga tur gasto y niun momento ta duna cuenta. Riba dje ta duna amigo den media contractnan lucrativo, pa amigo biba lekker riba lomba di futbol di Aruba. Pa futbol mes nada. Richard Dijkhoff ta sinti’e asina superior, cu e no ta respeta regla y ta purba di stop tur control cu por tin riba dje. Pa sina e por sigui djodjo. Tambe tur hende por corda con na 2017 Richard Dijkhoff a bisa e club nan cu Concacaf a duna ok pe duna clubnan cu tin tur division haña 20 mil dollar pa aña. Te awe e club nan ta warda riba Richard Dijkhoff paso asina ta su manera di busca voto. Cu gañamento y despues cu vota pe tur hende lo mire bek banda di veld 4 aña despues ora di eleccion. Basta cu abuso, basta cu mal gasta placa di Futbol, clubnan y dirigentenan basta cu vota pa promesa falso. Ta ora pa Futbol haña cambio di berdad Dia .21 Juli duna AVB y Futbol un otro direccion

Share:

2 thoughts on “OPINION: A.V.B. un club unda tin fiestamento cu placa y cu unda cosnan straño y robez tumando lugar!

  1. No ta e unico federacion.
    Ta momento pa instancianan concerni cuminsa controla mas di serca federacionan y haci esnan concerni aansprakkelijk pa malversacion di fondo. Controla si e federacion ta huza nan fondonan di acuerdo cu e metanan stipula den nan statuto. Tambe cuanto nan ta ricibi total na contribucion for di nan miembronan y otro instancianan y si e fondonan aki a wordo aloca correctamente.
    Tin federacion cu no ta entrega nan cuenta anual na nan miembronanan y asina mes a ricibi subsidio. Ojo pa esnan cu ta duna e organisacionan aki fondo. Pidi nan un cuenta anual aproba y firma pa nan miembronan.
    Placa di federacion mester wordo huza di acuerdo cu e metanan di nan statuto, pa yuda stimula/ promove e deporte no pa vakantienan personal of viahe pa haci compras of hunga casino.

Leave a Reply

Your email address will not be published.