Diamars mainta a drenta diferente yamada unda cu tin un transporte di un transformer for di Paardenbaaistraat a sali rumbo pa W.E.B. pero esaki tabata bashando azeta for di banda di Royal Plaza te na e brug di Renaissance. Mesora polis a stop e transporte aki pa asina esnan responsabel corregi e bashamento di e azeta riba e caminda. Varios turista a slip den e azeta aki y a dal abao autonan pasando a plama e azeta mas riba e caminda. Polis a sera e caminda pa basta rato y D.O.W. a bin basha santo pa evita mas peliger.
