Diaranzon atardi durante patruya na Catiri polisnan atento di distrito 2 (Noord) a mira un Toyota Vitz berde maneha pa un chauffeur cu no tabata tin su faha di seguridad bisti, mesora a para e vehiculo aki y a bay atende cu e chauffeur. Ora ta atende cu e chauffeur a nota cu aki ta trata di un conocido di polis cual a bira adicto ambulante y cu pa casualidad na oranan di madruga di e dia ey tabata tin un asistencia pa e persona aki caba como sospechoso den e bario di Soledad hunto cu un otro persona. En fin den oranan di madruga nan tabata busca droga pero e momentonan ey e tabata tin droga den su poder y pesey nan a detene. E sospechoso a declara cu e auto ey ta di su pareha y e a fia esaki un rato. Polis a confisca e droga y a pidi e vehiculo di transporte pa bin buske y hib’e warda di polis na Shaba.
