Despues di a haya flat tire den madruga y a tuma lift for di desconocidonan 2 persona a haya un bati y a keda atraca riba dje!

Diahuebs madruga a drenta informe di cu lo tin 2 persona agredi y na sanger banda di un sitio na Sanicolas, mesora e patruya a sali bay pa e sitio. Na yegada di e patruya banda di Julio’s polis a topa cu 2 persona mal herida y na sanger. Nan a declara cu nan ahaya un flat tire y no por a sigui core cu e auto ya cu no tin spare tire. Un auto straño a para pa nan y puntra si nan mester ayudo. E 2 nan aki a ofrece 20 US$ pa un lift. E chauffeur a bisa cu e ta pasa busca su primo promer y djey lo hiba nan. Una bes den e auto e chauffeur a saca un cuchiu menasa nan y a golpea nan ferozmente bay cu nan pertenencianan celular y como 600 florin y a bay laga nan. Ambulans a presenta na e sitio pa hiba nan hospital mientras atraco team tambe a ser avisa y a bay hospital tambe.

Share:

Leave a Reply

Your email address will not be published. Required fields are marked *