Diadomingo anochi a drenta informe di un accidente cu hende herida pariba di airport, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur sin rijbewijs manehando un Kia Rio a perde control y a bay dal un palo di luz, kibra esaki y bay para te den e mondi. Afortunadamente ningun hende a resulta herida y a cancela e ambulans. Elmar a presenta na e sitio y a inicia e reparacionnan necesario pa re-establece e suministro di coriente.
