![](https://www.awe24.com/wp-content/uploads/2021/08/4ECC4179-D7BA-4A36-A525-63267CBB0C7E-640x334.jpeg?v=1628917073)
Diabierna atardi a drenta informe di un accidente dilanti Romar Trading na Schotlandstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un pick-up Mazda BT-50 biniendo for di zuid a bay bira nan man robez pa drenta cura di Romar pero no a duna preferencia na un Chevrolet Bert bayendo suid. E chauffeur di e Chevrolet Bert a lastra brake mas di 10 meter largo pero esaki no a logra para na tempo y a dal den banda patras di e pickup. E impacto tabata fuerte y a manda e Chevrolet Bert bira casi 180grado. Afortunadamente ningun persona a resulta herida.