Oranjestad – 17 di augustus 2021- Aruba Bank ta aporta na 297 Soccer Academy su di 4 aña di Back to School Summer Camp. Durante e camp muchanan ta siña e participantenan diferente tecnicanan basico di futbol esta dribbel, samen spelen, pass & trap, positie spel, coordinatie, afwerking etc.
E enfoke ta riba muchanan entre 4 cu 14 aña di edad y a parti e grupo nan abase di nan edad y nan nivel di futbol (beginners/advanced) y tambe pa mantene menos contact fysico posibel. E aña aki e camp di augustus por a conta cu un total di 55 participante y 10 soccer coach certifica.
E Back to School Summer Camp tin como meta pa duna bek na comunidad. Nan kier haci esaki door di yuda muchanan cu mester ayudo pa cumpra materialnan pa skol ya asina nan por cuminsa e aña escolar nobo sin ningun problema. Tur e fondo recauda durante e Camp ta bai bek na esaki.
Nos ta contento di por a contribui na un camp cu tin como meta un bunita causa. Nos kier felicita Jean-Luc Bergen y full e team completo di 297 Soccer Academy pa nan tremendo trabou durante e camp.
