SEDA cu proyecto YAMO por brindabo e oportunidad pa continua bo estudio! Ainda por inscribi!

Entrante awe por bolbe cuminsa inscribi pa e projecto YAMO (young adults moving on) di SEDA(Stichting educacion digital arubano). Inscripcion pa Augustus e inicia. SEDA ta un organisacion non profit cu ta traha specificamente pa educacion en general na Aruba. E projecto YAMO ta pa studiantenan cu pa un motibo of otro no por sigui nan school normalmente, y cu po sigui materianan cu lo yudanan hisa nan nivel di idioma (hulandes-ingles-spaño), rekenen / wiskunde, boekhouden, computacion. E programma ta prepara e atudiante di 18-30 anja pa pasa e landsexamen. E grupo ta atende ful siman di 2:30pm-4:430pm cu dos materia pa dia, di dialuna pa diabierna. SEDA ta traha cu diferente organisacionnan social na Aruba. Studiantenan por volg e lesnan online of presencial dependiendo di e situacion. Pa mas informacion di SEDA, por bay riba e website sedaruba.org of por tuma contacto cu SEDA via telefoon 5687399. Hunto cu CEDE Aruba, SEDA ta contribui na yuda e enseñansa di Aruba, usando technologia y guia personal pa e studiante cu pa un of otro motibo no ta den un organisacion educativo actualmente. Un danki na CEDE Aruba cu ta esun cu ta hasi e projecto aki posibel den cooperacion cu EPI, FPNM, WGK, ADRA, Casa Cuna, SKOA, Fundacion Respetami, OC, Fundacion Guiami, Centro pa Hoben y Famia, Minister di Enseñanza Ciencia y Desaroyo Sostenible y tur cu a kere den e projecto aki y cu ta traha duro pa garantisa cu ningun mucha of hoben keda atras den enseñansa. 

Share:

Leave a Reply

Your email address will not be published.