![](https://www.awe24.com/wp-content/uploads/2019/11/55FA95B4-421D-482F-B9F1-CF49DBE7A9C3-668x334.jpeg)
Diaranson anochi laat algo prome cu bira diahuebs, dos homber arma a drenta e salanan VIP di Caribbean Cinemas den Paseo Herencia y atraca personal di e negoshi.
E malhechornan a exihi pa e placa di e benta di dia y sali na careda. E trahadonan a bati alarma, un rato despues por a mira basta presencia di Polis den e area.
Autoridad a busca den mondi y den henter e area di High Rise Hotels sin por a topa cu e sospechosonan. Durante e buskeda a confisca un scooter cu tabata scondi den mondi cerca di e mallnan. Atraco team ta investigando e caso.