Diabierna merdia a drenta informe di un accidente cu hende herida na e cruzada Scopetstraat/Katunastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Toyota Passo biniendo for di nort den Scopetstraat no a para pa duna preferencia na e Nissan Almera biniendo for di pariba den Katunastraat. Den e vehiculo tabata tin 3 mucha di cual nan tur 3 a resulta levemente herida. Na yegada di e ambulans nan a atende e muchanan na e sitio mes.
