Diadomingo madruga durante cu e personal tabata haci trabaonan di mantencion riba L.G. Smith Blvd. por a mira con chauffeurnan irresponsabel ta hala baricadanan y asina pasa tog y lagando e caminda habri y trafico ta sigui pasa cu tur riesgonan pa e trahadornan cu ta ocupa cu nan trabao y no ta pendiente cu auto por pasa dalnan. Un Nissan March a bini cu velocidad halto dal un di e barinan di plastic poni y tambe un baricada chikito cu borchi spart esaki basta leu. A yega di sosode cu un auto a sigui pasa door di baricada y e spiel di e auto a dal e trahado lague herida. Ora e trahador yega cerca di cualkier auto pasando door di e caminda sera pa hala su atencion e chauffeur ta core pidi sorry. Un peticion ta bay na tur e automobilistanan pa nan bay trankil riba caminda y si esaki ta sera pasa rond pero no drenta e area unda trabaonan ta tumando lugar.
