Diahuebs merdia a drenta informe di un accidente cu hende herida banda di Harmony supermarket na Santa Helenastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Suzuki Swift biniendo di pariba a pone señal pa bira bay nort na su man drechi y ora e chauffeur di e otro auto un Nissan Kicks cu tabata bini di nort pa bay bira bay pariba na man robez a mira e señal cu e Swift ta bay bira na man drechi ela tuma chance pa sali tog pero e swift a dicidi pa sigui straight y no bira anto nan a dal den otro. E impacto tabata fuerte te cu a bira e Nissan Kicks 180 grado. Debi na e impacto e dama chauffeur di e Kicks cual dama ta na estado tabata sinti poco dolor mientras e dama di edad ocupante den e Swift tambe tabata keha di dolor. Na yegada di e ambulans nan a atende ambos victima y a transporta nan pa hospital.
