Trailer na completamente na candela y a cuminza pega e cas na banda tambe

Diahuebs madruga a drenta informe di cu tin un dama ta grita “candela CANDELA”, mesora a dirigi tanto polis como bombero na e sitio. Na caminda pa e sitio e patruya di Noord a haya holor di e huma na Paradera, mientras esun di Santa Cruz a nota e vlamnan halto di e candela y a pidi pa alerta bomberonan pa nan manda mas di un unidad. Na yegada di e patruya a tuma nota di un trailer cu ta full na candela y ta pegando e cas na banda tambe cu e candela, mesora polis a cuminza evacua e casnan den cercania y pidi e habitantenan mas cercano pa nan hala nan auto for di nan cura pa evita si e candela expande. A pidi pa avisa slachtofferhulp pa yudansa di e victimanan cu a perde tur pertenencianan y nan alohamiento. Bomberonan a logra domina e candela pero ta hopi daño a keda atras.

Share:

Leave a Reply

Your email address will not be published.