Despues di a kibra drenta horta den casnan na Ponton e conocido recidivista Tico P. a bay bula cura pa huy ela dal abao y herida su mes, polis a atrap’e

Diabierna madruga a drenta informe di un cas di kiebro cu ladronicia na un adres na Ponton, mesora a dirigi un patruya na e sitio. Na caminda pa e sitio a drenta un otro informe di cu na un otro adres nan ta mira riba camara de seguridad cu tin un ladronicia tumando lugar e momentonan ey y e ladron ta den e cas. Bayendo na e prome informe y e otro informe a drenta net na e momentonan ey e patruya tabata net dilanti di e cas ey y a wak e conocido Tico P. cu a purba core bay pero ora ela bula cura ela cay y polis atrapa e sospechoso. E caida a causa cu e sospechoso a resulta herida y tabata keha di hopi dolor y a pidi pa ambulans p’e. Na yegada di e ambulans nan a atende e sospechoso na e sitio y despues a transporte pa warda di polis.

Share:

Leave a Reply

Your email address will not be published.