Diadomingo marduga a drenta informe di un accidente cu hende herida pariba di rotonde Balashi, mesora a dirigi patruya na e sitio. Na yegada di patruya na e sitio a bin constata cu aki ta trata di un accidente unda cu un dama chauffeur cu lo tabata bou influencia y dado momento bayendo pariba a perde control di su Nissan March y a subi e berm meymey caminda y ranca un palo di luz como tambe un borchi di trafico y bay dan den vangrail den trafico contrario y keda para den secundaire rijbaan den direccion contrario. Afortunadamente ningun persona a resulta herida. Polis a pidi presencia di vehiculo di transporte y a detene e dama chauffeur. Vehiculo di transporte a bini na e sitio y a transporta e dama deteni pa warda di polis.
