Polis a detene chauffeur cu a pasa door di P.D. di polis y a haya prohibicion pa core pa esaki pero a keda hasi fastioso.

Diadomingo marduga atendiendo cu e accidente riba rotonde Las Americas polis a tuma nota di chauffeur di un KIA Boreggo cu a pasa door di e P.D. sin tene cuenta cu polis tini e caminda sera. Polis a para e chauffeur aki dibiaha y a scual e pa su comportacion riba caya y a prohibi e pa core te cu mayan mainta. Tur su amistadnan cu tabata cune den auto a bandona e sitio na pia mes pa evita mas problema cu polis. E chauffeur di e vehiculo aki a sigui causa molester pa polis y no a bandona e sitio. No a keda polis nada otro pa hasi pero pa detene e chauffeur aki cu no por a sigui ordo di polis. Vehiculo di transporte a bini na e sitio y a transporta e detenido pa warda di polis.

Share:

Leave a Reply

Your email address will not be published.