Diadomingo atardi durante cu un patruya tabata pasando na Eagle Beach ela ser para y informa di un caso di intento di violacion y cu agression a caba di pasa eynan y cu tin 3 hende herida. Polis a para pidi ambulans y a baha cuminza atende e caso aki. Segun un version lo ta trata aki di un intento di violacion riba waverunner den lama unda despues ora e victima di intento di violacion lo a dal e supuesto violador y esaki a responde un solo mokete den cara di e dama turista y despues e sospechoso lo a core bay. Atendiendo e asunto poco poco polis a bin ripara for di declaracionnan di esnan presente cu e grupo di turista aki for di tempran lo tabata consumiendo basta alcohol y hasta un di nan na e momento cu polis tabata atendiendo e caso tabata fomenta discordia, insulta etc. etc. te cu polis mes a advirtie cu si e sigui e lo ser deteni pero e dama no a keda keto y a sigui. Mientrastanto ambulans a yega pero a bin resulta cu ningun hende ta herida cu excepcion di e dama cu a haya un blausa na su wowo, despues di a papia y revisa e dama turista esaki a nenga bay cu ambulans. Polis a nota cu e otro dama turista cu tabata haci fastioso a sigui haci fastioso y e polis a aleha e dama aki cual tabata mustra di ta hopi burachi pero e dama no a haci caso te cu polis a detene pa buracheria riba caminda publico y a stroba polis su trabao. Na e sitio polis a tende un otro version unda cu ta e dama turista lo a bay na e casita di e watersport cerca e empleado y lo a haci un chansa y a pasa e sospechoso un wanta y esaki a reacciona cu un mokete den cara di e dama. Ora cu esnan di e compania a nota e problema a bisa e empleado pa evita problema mihor e bandona e sitio. Pa saca afor con y kiko a pasa polis a bay na cas di e sospechoso y a busca e sospechoso y a hib’e na warda di polis pa atende cu e caso.
