Diasabra marduga a drenta informe di cu tin un pelea na un nightclub na Palm Beach, mesora a dirigi patruyanan na e sitio. Na yegada di e patruyanan a bin compornde cu e pelea tabata asina formal cu esaki a bay para hasta den cushina y tabata tin papia cu hasta lo a plama boter riba cabes di un hende. Varios patruya a presenta y pa banda di 4’or y mey di marduga ainda por a mira algun patruya para den e parkinglot di e luga. Apesar cu e luga a cera su portanan, ainda por a mira polis presente pa asina tene tur cos bao di control y percura pa tur hende sali, subi nan auto y bay direccion di nan cas den un forma trankil
