Atraco na U Win lottery den Koningstraat!

Diahuebs anochi a drenta informe di un atraco na U Win Lottery na Koningstraat. Mesora a dirigi un patruya na e sitio. Na yegada di e patruya a bin compronde cu un hende bisti na preto cu un tapaboca cu arma lo a atraca e lugar. E sospechoso lo a bai cu menos di 1000 florin.


CUERPO POLICIAL TA INFORMA.

Diahuebs anochi alrededor di 7:31 central di polis ta wordo notifica di un atraco riba U Win Lottery situa na Koningstraat.

Na jegada di e prome patruya di polis por a bin compronde di e señora den e lugar di bende loteria cu un rato prome , un hende homber( 19 pa 20 aña) lo mester a drenta e lugar di lotto cu un arma di candela y atraca.
E sospechoso ta papia basta bon papiamento, e tabata bisti full na preto, tapa boca blanco, capuchon.

E sospechoso lo mester a hui na pia den direcion di rancho.

Atraco Team a presenta na e sitio , departamento di slachtofferhulp y tambe polis technico.
Ta trata di un suma di mas o menos te cu awo di afl 900,-.

Un apelacion di Cuerpo Policial ken cu por a wak algo of sa algo jama e tiplijn di polis cu ta 11141.

Share:

Leave a Reply

Your email address will not be published. Required fields are marked *