![](https://www.awe24.com/wp-content/uploads/2021/09/77035771-186D-4E0C-A419-740C540F3A9A-668x334.jpeg?v=1632055375)
Diasabra mainta a drenta peticion pa refuerzo di polis for di e personal di Guarda Costa riba lama na altura di Eagle Beach, mesora a despacha varios patruya na e sitio. Na yegada di e prome patruya a bin compronde cu Guarda Costa tabata atendiendo cu un boto di parasail y un personal di e boto a bula na awa y subi riba un waverunner di un colega di otro watersport cual a core hib’e na e strand asina e core bay y huy for di e detencion. A mobilisa e otro patruyanan pa busca e sospechoso aki riba tera. Despues di un buskeda extensivo na e area no a logra haya e sospechoso. E colega di e otro watersport cu a yuda e sospechoso huy a ser deteni pa a stroba trabao di autoridad y yuda un sospechoso huy.