Diamars mainta a drenta informe di un incidente cu a tuma lugar na e cruzada T na Macuarima riba e caminda principal, mesora a dirigi un patruya na e sitio. Na yegada di e patruya a bin compronde cu aki ta trata di un truck carga cu santo cu net a bay subi e cruzada e 2 wielnan di dilanti a laga bay y kibra lagando e truck blokeando e trafico. Polis a desvia e trafico mientras ayudo a bini pa alivia e situacion cu lo tuma tempo pa resolve. Afortunadamente ningun hende a resulta herida.
