Batayon di polis hunto cu e team di arresto pa drenta un cas na Paramira

Diasabra anochi un dama a presenta na warda di polis na Oranjestad pa informa di un caso di maltrato na un cas na Paramira, e dama a bisa di a ser maltrata pa su mesun casa cu lo ta bao influencia di alcohol y tambe cu su casa no ta lague bay cu nan yiu menor di edad. Un patruya a bay na e cas na Paramira pa purba intermedia pero na nan yegada mes nan a ser mal ricibi pa e casa kende no a permiti polis drenta ni den su cura di cas. Ademas polis a ser ricibi cu un monton di insulto y hasta menasa di parti di e casa. Ora e dama a yega na e cas y a pidi pa bay cu e yiu for di eynan. Un ruman homber di e casa a yega y a duna e casa mas sosten. E mama a logra drenta e cas y a logra sali cu e yiu y a bay cu e mucha na cas di e mayornan di e mama. Polis a pidi e homber na varios ocasion pa e sali y entrega su mes pero e homber a insisti cu e no a maltrata su casa y e no ta entrega su mes. Mas patruya a yega pero e homber no kier entrega su mes y a bay sconde den e cas. Ni e tata di e homber por a convence pa e entrega su mes, ni cuanto e mama di e homber a purba pero a keda riba e puntoncu e no ta bay pasobra e no a maltrata ningun hende. E situacion a rekeri forza mayor di e team di arresto pa asina cu ordo di fiscal auxiliar kibra drenta e cas y arresta e homber. Asina mes a sosode y a logra detene e homber y su ruman cu tambe tabata den e cas.

Share:

Leave a Reply

Your email address will not be published.