MACUARIMA, ARUBA: Aruba ta bira e base importante den reino pa por certifica K-9 di polis. Tabata riba peticion di ex altocomisario di polis Sra. Vanessa Tjon-Kock cu a haci e peticion na Vianney Coffie di unidad canino (K-9) di Cuerpo Policial Aruba pa recluta dos persona cu tin background di cacho pa por pasa un trayectoria di estudio pa por bira keurmeester oficial di Aruba.
E keurmeester su tarea ta pa traha imparcial pafor di e unidad canino (K-9) di Cuerpo Policial Aruba. E dos personanan aki tin e tarea di certifica e caninonan di Polis. “Nan ta practicamente bira e hueznan, nan ta’sun cu ta keur e systema, e ley y e reglanan Hulandes cu nos ta traha cu ne ”, esey tabata e palabranan di Vianney Coffie instructor oficial di unidad canino (k-9) di Cuerpo Policial di Aruba y esun oficial di Aruba.
Despues di un trayectoria largo Vianney ta orguyoso pa promebiaha den historia di Aruba y den Reino cu Aruba tin su propio keurmeersternan. E dos keurmeesternan aki a pasanan opleiding cu a tuma lugar na Aruba riba un nivel internacional. Tur esaki bou guia di Scol di Polis E.Y. Watty Vos.
Scol di polis E.Y. Watty Vos tabata encagra cu e certififacion y tambe conduci diferente reglanan abase di systema huridico.
Esaki ta un oportunidad grandi cu pais Aruba ta logra haya su dos keurmeester. Cu e logro aki riba nivel internacional tur pais bisiña y of nos islanan ruman no mester bay leu di cas pa por certifica nan K-9 polis. Aruba mes tin dos persona ampilo experencia riba e tereno aki.
