POTRET HISTORICO Di President van de Hoge Raad Mr. Gerdineke De Groothunto cu Prome Minister di Aruba

ORANJESTAD– Dialuna 27 di September, Prome MinisterEvelyn Wever-Croes a ricibi bishita di cortesia di Presidente di Hoge Raad Mr. Gerdineke ‘Dineke’ de Groot. Desde 1 di November 2020, Mr. de Groot ta fungi den e funccionimportante aki. Hoge Raad ta e corte di casacion na Hulanda y pa henter Reino. Mr. Dineke de Groot ta e prome presidente di Hoge Raad femenino desde 1838 cu Hoge Raad a wordointroduci. 

Mr. Dineke de Groot ta un bon ehemple di hende muhe den posicionnan halto y di liderazgo. Den nos tempo, aunke cu ta birando mas common pa wak hende muhe den posicionnan di liderazgo y posicionnan clave, toch e cantidad di liderfemenino mundialmente ta hopi limita. 

Na Aruba tin hopi hende muhe den posicionnan clave den comunidad cu ta trahando den diferente area di crecementocomo tambe den politica. Parlamento di Aruba ta consisti di 7 parlamentario femenino y den Gobierno tin 2 minister feminino. Mundialmente hende muhenan ta wordo eleva naposicionnan di liderazgo, manera Margaret Thatcher, Angela Merkel y Michelle Bachelet. Y awo, desde 2017 nos paistambe ta conta cu un hende muhe cu ta lidera un pais pa promebiaha den nos historia sirbiendo su di dos termino como PromeMinister. Pa Prome Minister Evelyn Wever-Croes, ta un motibo di orguyo pa sirbi nos pais como hende muhe den posicion di liderazgo.

Den un publicacion di Forbes, nan a enfatisa cu paisnandemocratico unda cu ta respeta derechonan humano y hendemuhenan a alcansa posicionnan di liderazgo, ta paisnan cu miho a maneha e crisis di Covid 19. Prome Minister di nospais a mustra esaki tambe den e pio crisis cu Aruba a conoce. Aruba ta recuperando poco poco pero sigur bou di su maneho. Un meta sigur ta pa sigui encurasha nos mucha y hendemuhenan pa duna tur di nan banda pa alcansa nan soño y biraprofesionalnan cu ta asumi posicionnan clave den noscomunidad.

Prome Minister ta gradici Mr. Dineke de Groot pa su bishita di cortesia y a tuma un potret cu ta keda archiva como un potrethistorico. 

Share:

Leave a Reply

Your email address will not be published.