Polis a detene motociclista y confisca e scooter cu tabata core sin helm y sin luz den area di Noord

Diasabra anochi tabata tin hopi polis riba caya teniendo control den trafico na tur distrito. Na Noord e polisnan na un ocasion a nota un scooter cu 2 persona riba dje coriendo sin lus y sin helm na Palm Beach, mesora nan a bay tras di e scooter pero a perde for di bista. Un rato despues a bolbe mir’e den Noord banda di Caribbean Palm Village bahando e pasahero femenino y cu ayudo di e unidadnan den cercania a planea un strategia y a logra chang’e den Turibana. E momentonan ey e motociclista tabata su so despues di un persecucion chikito a logra detene y a confisca e scooter cual no tabata tin ningun papel na ordo.

Share:

Leave a Reply

Your email address will not be published.