Probablemente nan lo tabata tin plan pa atraca of regla cuenta
Dialuna atardi a drenta informe for di un polis den su oranan liber a tuma nota di 3 persona sospechoso den un Toyota Tercel di cual e chauffeur cu cabey largo kende tabata tin algo parecido na un arma di candela color nickel cu preto. Mesora a mobilisa patruyanan na e area. Na un dado momento e auto a move den direccion pariba y ta te na altura di Wintergarden na Savaneta a logra para e auto. Cu varios patruya a logra detene tur 3 sospechoso y a confisca e arma como tambe e auto. No ta conosi e intencion di e sospechosonan pero den interogacion lo bay haya sa.
