Auto a dal un peaton na Shiribana y a core bay for di e sitio

Diaranzon anochi a drenta informe di cu auto a dal un persona y sigui core lagando e victima herida benta abao na Shiribana, mesora a dirigi tanto polis como ambulans na e sitio. Por a compronde cu no tabata tin ambulans disponible na e momentonan ey ya cu tur tabata ocupa cu otro emergencianan. Na yegada di e patruya a bin compronde cu aki ta trata si un accidente unda cu un auto a dal un peaton y a sigui core lagando e victima herida benta riba suela canto di caminda. E vehiculo cu a ocasiona e accidente aki a sigui core bay pero polis a logra haya indicacion di e vehiculo cu a core bay. Polis lo bay busca su paradero y atende cun’e y hasta lo por detene pa bandona sitio di accidente. Despues di basta rato ambulans a presenta y a atende e victima y transporte pa hsopital.

Share:

Leave a Reply

Your email address will not be published.