Dialuna madruga polisnan atento a tuma nota di cu lo tin un persona riba tereno di Warda di polis na Macuarima, mesora a alerta e patruyanan riba caya pa tira bista riba un persona cu un short shinishi y un shirt preto den e area, mas tempran tambe tabata tin un informe similar pero cu un auto Altezza blanco of un otro auto color shinishi. Durante cu polisnan tabata tira bista a ronde den e area a spot un auto Nissan Sentra shinishi coriendo den un forma sospechoso y a logra para e auto aki banda di Dowco pero riba caminda grandi. E chauffeur tabata cuadra cu e descripcion duna y ora polis a papia cun’e ela bira nervioso y polis a detene y a hib’e na warda di polis na Macuarima mientras a confisca e auto tambe.
