Chauffeur a subi caminda sin wak y e pasahero a bis’e dalbay, 2 pasahero a resulta herida

Diadomingo mainta a drenta informe di un accidente cu hende herida dilanti Welcome Snack na De La Sallestraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Nissan March a bay subi caminda sin a duna e Hyundai Accent biniendo di pabao preferencia. E impacto tabata basta fuerte y e 2 pasaheronan den e March a resulta herida. Na yegada di e ambulans nan a atende ambos victima y a transporta nan pa hospital.

Share:

Leave a Reply

Your email address will not be published. Required fields are marked *