Dialuna madruga a drenta informe di un accidente na Seroe Patrishi, mesora a dirigi un patruya na e sitio. Na yegada di e patruya a bin encontra cu e Chevrolet cu a caba di dal riba e skina di un muraya di cas, pero e chauffeur mes a bandona e sitio na pia. No mucho leu un otro patruya a bin topa cu un hende canando bay, a acerca e persona aki y a bin logra saca afor cu ta e mes ta e chauffeur di e pick-up cu a caba di accidenta. Polis a atende cun’e y a detene. Na momento cu e vehiculo di transporte a yega e homber a sak den otro. Mirando cu ela caba di accidenta a pidi un ambulans pa mas seguridad y control’e. Na yegada di e ambulans nan a cuminza atende e sospechoso/victima arebeldia y a pidi refuerzo pa domin’e. Polis a escolta e ambulans pa hospital.
