Diaranzon mainta a drenta informe di un incidente unda un pick-up a cay den un buraco na Citgo Wayaca, mesora a dirigi un patruya na e sitio. Na yegada di e patruya a bin compronde cu e chauffeur di un pick-up a bah for di e pick-up lagando esaki den neutral y sin handrem na e pompstation pero den un elevacion y e poco poco e pickup a move bay dilanti. E chauffeur y un pasahero a purba wante pero e elevacion a bira mas halto y esaki a sigui bay y cay for di e stupi. Afortunadamente ningun hende a resulta herida.