Den oranan di merdia a drenta informe di un accidente cu hende herida na e crusada Rudolf Arendsstraat/Driemasterstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Nissan March biniendo for di Rudolf Arendsstraat a para na e crusada y a subi e crusada net ora cu un Nissan Frontier tabata biniendo di nort riba e caminda di preferencia di Driemasterstraat y e Frontier a dal e March bir’e 180 grado y den e movecion aki e March a dal un otro auto para banda pabao di e crusada wardando su turno. E chauffeur di e March cual tabata esun cu a resulta herida tabata sinta na banda di e fuerte impacto pero no tabata desea assistencia di ambulans pa cual motibo a cancela esaki. Como cu e March no tabata tin ningun papel na ordo polis a confisca esaki.