Diamars anochi a drenta informe di cu algun hende banda di Fisherman’s Hut a mira un hende homber di edad drenta lama pero nan a perde for di bista den e scuridad, mesora a dirigi tanto patruya como e helicopter na e sitio. Na yegada di e patruya nan tampoco a logra mira e homber, pero na yegada di e helicopter cu su lus potente a logra spot e homber na un distancia. Polis a ordene pa e bay na e canto, yegando na e canto a ripara cu aki ta trata di e conosido “PInky” cu tin problema di adiccion na alcohol. E tabata burachi pero pa su mesun seguridad polis a detene y a bay warda di polis cun’e.