Diamars atardi laat a drenta informe di un caso di ladronicia di un bicicleta y nan tin e ladronnan na bista den Mandolinstraat, mesora a dirigi un patruya na e sitio. Na yegada di e patruya un grupo di mucha a core bay drenta e mondi patras di Pacifico. E patruya a pidi refuerso pa asina logra gara e muchanan aki cu a drenta e mondi. Varios otro patruya, oficialnan di e brigada motorisa como tambe e unidadnan K9 y hasta e helicopter tambe a responde.  Despues di basta rato ta busca no a logra haya e muchanan, pero a bin compronde cu aki ta trata di 4 mucha cu lo a pasa bay cu e bicicleta y nan nomber ta conosi. Polis a bisa e mama di e victima pa e pasa na recherche pa haci e denuncia.