Diasabra madruga a drenta informe di un accidente cu hende herida yegando rotonde Pos Chikito, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Kia Picanto no a regula su velocidad ni mantene distancia a bay dal tras di un Kia Rio. Debi na e impacto un persona a resulta herida. Na yegada di e ambulans nan a atende e victima na e sitio mes.
