Den fin di siman, e Centro di Operacion Maritimo di Guarda Costa di Caribe a recibi un yamada pa ayudo den lama. Tabata trata di un caso unda cu un boto di piscado a bolter den lama, na e parti noord oost di Curaçao. Mesora a solicita e avion DASH-8 di Guarda Costa, cu tabata patruyando den cercania pa evalua e situacion. For di halto, e tripulacion a observa cu tabata tin 2 piscado den awa, hunto na e boto cu a bolter. Un otro boto cerca a acudi na su ayudo y a recoge e personanan abordo te ora cu e Metal Shark a yega y a atende cu nan. E tripulacion di e Metal Shark despues a transporta e dos piscadornan y a segura nan yega sano y salbo na tera. E dos personanan tabata den perfecto estado di salud.