Diasabra atardi a drenta informe di un accidente na e rotonde Paradera, mesora a dirigi un patruya na e sitio. Na yegada di e patruya a bin compronde cu e trafico tabata hopi stagnan pa motibo di e falta di preferencia na e rotonde unda cu un Nissan Murano biniendo for di pabao a yega subi e rotonde sin a duna preferencia na e Honda Fit cu tabata riba e rotonde caba y nan a dal banda di otro. Como cu nan no a hala e autonan tur e trafico a stagna. Afortunadamente ningun hende a resulta herida.