Diasabra atardi a drenta informe di un accidente cu hende herida na Jaburibari, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre 2 dama chauffeur cu auto RHD unda e chauffeur di e Toyota Passo cu tabata bao influencia di alcohol y a bay subi e caminda di Jaburibari banda di e post di polis y a bay dal tras di e Suzuki Swift lagando e dama chauffeur di e Swift herida ya cu despues di e impacto e dama chauffeur di e Passo kier a bandona e sitio pero e chauffeur di e Swift a impidi pa e bandona e sitio. Na yegada di e ambulans nan a atende e dama y a transporte pa hospital. Polis entretanto a test e chauffeur di e Passo y esaki a surpasa e limite di alcohol den curpa y a ser detene y hiba warda di polis den e vehiculo di transporte.