Dialuna mainta a drenta informe di un accidente cu hende herida na Jucuri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un chauffeur lomba sunu den un auto Chevrolet shinishi biniendo for di pabao coriendo meymey di caminda a pone cu e dama chauffeur contrario den un Honda Fit a kita mas na man drechi pero asina mes e Chevrolet a dal den banda. Djey e Chevrolet a sigui bak sin para mientras a laga e dama cu dolor di cabes. Na yegada di e ambulans nan a atende e dama y cu deliberacion cu su dokter di cas ela ser atendi na e sitio mes.