Diahuebs atardi a drenta informe di un accidente cu hende herida na Maracastraat, mesora a dirigi tanto polis como ambulans na e sitio. Na yegada di e patruya a bin compronde cu e chauffeur a coy e auto sin permiso di e doño y a bay cu esaki, pasando den Maracastraat kitando su bista for di riba e caminda su dilanti ela bay dal fuertemente riba un auto staciona. Debi na e impacto e chauffeur a resulta herida, pero na e momentonan ey e no tabata keha di dolor pero ora ela tende cu e ta bay ser deteni dolor a dal e duro y a bisa cu e ta herida. Den e otro auto no tabata tin ningun hende. Na yegada di e ambulans nan a atende e victima y a bay cun’e na hospital.
