Diahuebs anochi a drenta informe di un accidente cu hende herida riba e crusada di Mondi Fierno, mesora a dirigi tanto polis, ambulans como tambe bombero. Na yegada di e patruya a bin compronde cu aki ta trata di un dama chauffeur cu tabata maneha e pick-up Baw a baha caminda dal riba un “hydrant” banda di caminda y e pick-up a kentel. Debi na e impacto e dama a resulta herida. Debi na e sla riba e “hydrant” esaki a basha un monton di awa afo y a avisa W.E.B. di esaki. Na yegada di e ambulans nan a atende e victima y transporte pa hospital. Mientras bomberonan a corta e windshield pa logra corta e waya di bateria pa asina evita e auto pega na candela.