Diasabra merdia a drenta informe di un accidente pazuid di Acropolis Plaza na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un van di catering no a regula su velocidad ni a mantene distancia a bay dal tras di un Lincoln s.u.v.. Despues di e impacto e dama chauffeur di e Lincoln a tabata keha di dolor. Na yegada di e ambulans nan a atende e dama na e sitio mes.